شوف كل طالب. افهم كل نتيجة. واتصرّف بدري.

خَط بتشتغل من المتصفح على أي موبايل أو كمبيوتر، من غير ما حد ينزّل حاجة. والطالب يقدر يحطها على شاشة موبايله ويفتحها زي أي تطبيق.

كل طالب بيدخل بحسابه، واسمه ورقمه مكتوبين على الدرس والامتحان، فأي صورة أو فيديو يتسرّب بيشاور على صاحبه. والفيديو اللي بترفعه عندنا مابيشتغلش غير للطالب المشترك، وجوّه منصتك بس. واللي محدش يقدر يمنعه، زي حد يصوّر الشاشة بموبايل تاني، بنقولهولك بصراحة.

يحوّل لك مباشرة بفودافون كاش أو إنستاباي أو أي وسيلة تضيفها، ويرفع صورة التحويل. انت تراجع وتوافق، وإحنا مش بناخد عمولة.

7 أيام بأدوات باقة «يفهم»، من غير كارت. والأيام بتبدأ من أول امتحان يحلّه طلابك، مش من يوم ما تفتح المنصة، عشان تشوف التشخيص على نتيجة حقيقية قبل ما تقرر. تفتح منصتك، وتعمل كورس وامتحان، وتبعت لينك لطلابك، ولو تحب نجهّزهم معاك. رفع الفيديو على سيرفراتنا والحصص اللايف بيبدأوا مع الاشتراك، لأن ليهم تكلفة تشغيل.

تلغي في أي وقت، من غير غرامة. ولو اشتركت ومش عاجبك، فلوسك ترجع كاملة خلال 14 يوم من أول دفعة، لأي سبب. وبياناتك ليك: تقدر تصدّرها، وبتفضل محفوظة 90 يوم بعد الإلغاء لو حبيت ترجع.

لو بتعرف تستخدم واتساب وتحمّل فيديو، تقدر تشغّل خَط. وأول ما تفتح منصتك، قايمة قصيرة بتمشّيك خطوة خطوة، وحد من فريق خَط بيكلمك يجهّز معاك أول امتحان، ولما النتيجة توصل بيقرا معاك أول تشخيص ويوريك تعمل إيه مع كل طالب.