ازاي بنحمي فيديوهاتك وبيانات طلابك.

الفيديو بتاعك

• الفيديو اللي بترفعه عندنا مابيشتغلش غير للطالب المشترك في الكورس، وجوّه منصتك بس. اللينك لوحده مابيفتحش حاجة.
• اسم الطالب ورقمه مكتوبين على الدرس والامتحان، فأي صورة أو فيديو يتسرّب بيشاور على صاحبه.
• منع التصوير بيختلف من جهاز للتاني، وشاشة «حماية المحتوى» جوّه منصتك بتقولك بالظبط إيه اللي بيتفرض على كل جهاز. على المتصفح مفيش حاجة تقدر تمنع لقطة الشاشة، عشان كده العلامة المائية هي الحماية الحقيقية.
• واللي محدش يقدر يمنعه، زي حد يصوّر الشاشة بموبايل تاني، بنقولهولك بصراحة ومانبيعلكش وعد مستحيل.

بيانات طلابك

• كل منصة معزولة عن التانية: طلاب منصتك مابيشوفهمش مدرّس تاني.
• بيانات المنصة بتتخزن على خوادم جوجل في أوروبا، ومش بنبيعها ولا بنأجّرها لحد.
• ولي الأمر مابيوصلهوش حاجة غير اللي انت بتبعته بنفسك من ملف الطالب.

الفلوس

• فلوس طلابك بتروح لك انت مباشرة، بفودافون كاش أو إنستاباي أو أي وسيلة تضيفها. خَط مش في النص، ومش بتاخد عمولة.
• صورة التحويل مابيشوفهاش غير المدرّس والطالب اللي رفعها.

لما تلغي

بياناتك بتفضل محفوظة 90 يوم بعد الإلغاء لو حبيت ترجع، وتقدر تصدّرها قبلها. بعد الـ90 يوم بتتمسح. التفاصيل القانونية في سياسة الخصوصية.

لو لقيت مشكلة

لو لاحظت حاجة تخص الأمان، ابعتلنا على help@khat.education وموضوع الرسالة «أمان». بنرد خلال يوم عمل.