جولة في خَط
شوف خَط شغّالة، شاشة شاشة.
مش كلام عن مميزات. دي الشاشات الحقيقية من الديمو، على بيانات عرض، مترتبة بأسبوع المدرّس. وكل شاشة ليها زرار يفتحها في الديمو نفسه.
مين وقف، باين أول ما تفتح.
«النهاردة» بتبدأ بمين محتاجك: مين بطّل يفتح من أسبوع، ومين لسه مافتحش الدرس اللي الفصل وصله. ولما تدوس «شوفهم» تلاقيهم بالاسم، ومعاهم آخر نشاط ومتوسط كل واحد.
افتح «النهاردة» في الديمو
الورقة بتقولك الشرح وقع فين، مش بس الدرجة.
التشخيص فوق المحاولات: كام سؤال محتاجك، ومين محتاج إعادة بالاسم. وجوّه كل سؤال حكم في جملة: السؤال نفسه غلط، ولا المفهوم ماوصلش، ولا محدش قراه.
افتح التشخيص في الديمو
الحصة خلصت، والتقرير عارف مين وقع منك.
مين حضر، وعند أنهي دقيقة الحضور نزل، ومين غاب من اللي بيتأخروا أصلًا. والتقرير بيتطبع أو يتحفظ PDF بضغطة.
افتح تقرير الحصة في الديمو
مين دفع ومين لأ، في شاشة واحدة.
الطالب بيحوّل ويرفع صورة التحويل، وانت توافق أو ترفض من نفس الشاشة. واللي اشتراكه خلص، رسالة ولي أمره جاهزة فيها طرق الدفع.
افتح المالية في الديمو
الطالب شايف منصتك انت، ودرسه الجاي.
اسمك ولوجوك فوق، ومساره لحد دلوقتي، وسطر واحد بيقوله يعمل إيه. والحصة اللايف الجاية قدامه بميعادها.
افتحها في الديمو بعين الطالب
ولي الأمر بيعرف منك، مش من النتيجة.
من ملف أي طالب، رسالة جاهزة بتتبعت على واتساب ولي أمره: تقرير سريع، أو تنبيه غياب، أو تنبيه مستوى، أو تذكير اشتراك.
السلام عليكم، أنا أ. ليلى حسن.
بخصوص خالد وليد — درجاته نزلت شوية، ومتوسطه دلوقتي 41%.
محتاج يراجع الدروس اللي فاتت. ممكن نتفق على خطة مذاكرة؟
منصة أ. ليلى
ده على بيانات عرض. على طلابك انت، هتشوفه بعد أول امتحان.
افتح منصتك — 7 أيام مجانًامن غير كارت · ولو اشتركت ومش عاجبك، فلوسك ترجع كاملة خلال 14 يوم